ZDROJ: Čelakovský, J.: Privilegia královských měst venkovských v království českém z let 1225 až 1419, V Praze. Tiskem Khihtiskárny Dra Edv. Grégra, 1895.
Olomúcký biskup Jan jakožto zvolený úmluvce vypovídá v rozepři rychtáře, konšelův a vší obce města Kutné Hory s klášterem Sedleckým a s farářem Malínským o správu špitálu klášterního a škol Horských, že opat a konvent kláštera Sedleckého mají právo dosazovat kněze k řečenému špitálu, kdežto rychtáři, konšelům a měšťanům Kutnohorským náleží vésti hospodářskou správu řečeného špitálu svými zřízenci. Právo jmenovati mistra škol na Horách má toliko faráři Malínskému přináležeti.
In nomine domini amen. Nos Johannes dei et apostolice sedis gracia episcopus Olomucensis, arbiter, arbitrator seu amícabilis compositor in causis et litibus inter partes subscriptas, notum facimus tenore presencium vniuersis, quod, quia in et super causis et litibus, que inter honorabiles et religiosos viros, dominum Wenceslaum abbatem necnon priorem et conuentum monasterii Czedlicensis, ordinis Cisterciensis, Pragensis diocesis, ex parte vna, et prudentes viros judicem, consules et communitatem ciuium Montis Kuttensis ex parte altera, super hospitali Montis eiusdem ac regimine et gubernacione ipsius, necnon inter honorabilem virum magistrum Wernherum, plebanum eeclesie in Malina, cui capella Montis eiusdem velud filia matri subesse dinoscitur, ex vna, et judicem, consules et communitatem predictos parte ex altera, super regimine scolarum ibidem in Monte seu super iure presentandi rectorem ad illas, vertuntur et inter partes easdem iam sunt et esse noscuntur diucius agitate, per easdem partes in nos velud in arbitrum, arbitratorem et amicabilem compositorem de alto et basso simpliciter et in totum sine omni excepcione fuit et est totaliter compromissum. Eedemque partes cum humili nobis instancia supplicarunt, vt compromissum suum in nos super premissis accipere et lites huiusmodi, iuxta quod nobis et dictaret racio et dominus inspiraret, decidere dignaremur, penis, quas parti pronunciacionem nostram seu arbitrium non seruanti infligeremus, se vtrimque spontanee submittentes. Ideoque pacis et tranquillitatis parcium predictarum intuitu ipsarum super premissis in formacione diligenti recepta et rei veritate ab aliis eciam studiosius inquisita, deum habendo pre oculis, communicato sapientum consilio, saluis semper reuerendi in Christo patris et domini, domini Arnesti, Pragensis archiepiscopi, iure diocesano et ordinaria potestate, ad parcium predictarum instanciam super predictis causis et litibus auctoritate nobis et potestate tradita in premissis, in nomine dei pronunciamus, dicimus et eciam diffinimus, quod abbas et conuentus monasterii Czedlicensis sacerdotes et capellanos hospitalis predicti nunc et perpetuo instituere et destituere eisque regulam et modum viuendi tradere, quoad omnia hospitalis ipsius spiritualia et ministerium ecclesiasticum cultumque diuinum concernencia habent, possunt et debent, ipsi quoque sacerdotes et capellani abbati et conuentui antedictis velud suis dominis in spiritualibus ac patronis subesse, obedire ac in diuinorum administracione parere humiliter tenebuntur. Judex vero et consules ac ciues Kuttenses, qui sunt et qui fuerint pro tempore, omnia temporalia, bona, agros, census, predia, possessiones et emolumenta, presencia et futura, edificia quoque et procuraciones, et quecumque alia, quocumque nomine valeant appellari, habent regere, disponere, dirigere, dispensare et secundum dei timorem et proprias consciencias ad infirmorum valitatem, profectum et vsum legaliter administrare et fideliter gubernare seu ex se ipsis fideles dispensatores et viros ydoneos deputare. De ordinacione vero magistri scolarum in Montibus taliter diffinimus, quod nullus alius, preterquam plebanus de Malina, qui nunc est et qui fuerit pro tempore, habet in hac parte uel habere debet aliquam potestatem. Sed plebanus ipse, qui et magistrum siue rectorem scolarum ad mensam propriam tenere consueuit ac tenetur et pascere eundem iuxta conscienciam suam, talem videlicet, qui prius et eciam adultis in literatura prodesse et preesse nouerit acque velit, ymmo cum effectu prosit, instituere, destituere et ordinare debeat libere et quouis impedimento cessante, dum et quocies fuerit oportunum, vt quanto rector idem plebano subieccior magisque familiaris et obediens habeatur, tanto diuinus cultus cessante scandalo et studencium profectus aput predictam parochiam propensius dirigatur. Premissa siquidem per supradictas partes, quatenus eas concernunt, recipi statuimus et impleri sub pena quinquaginta marcarum puri argenti, quas partem non seruantem et premissorum aliquod infringentem tocies, quocies contrafactum fuerit, incurrere debuimus ipso facto; et earum medietatem parti premissa seruanti, reliquam vero infirmorum dicti hospitalis vsibus decernimus applicari, premissis omnibus omni casu in suo robore perpetuo duraturis. In cuius rei testimonium presentes litteras fieri et sigilli nostri maioris fecimus appensione muniri. Actum et datum Prage anno domini millesimo trecentesimo sexagesimo tercio, sabbato proximo ante diem beate Elizabeht.
Nos quoque frater Wenczeslaus abbas,.. prior, .. subprior et conuentus predicti monasterii Czedlicensis, necnon.. judex, jurati, consules et communitas ciuium suprascripti Montis Kuttensis publice profitemur, nos animo deliberato et sano precedenti consilio, non vtique per ignoranciam et errorem, super premissis omnibus et singulis in suprascriptum reuerendum in Christo patrem et dominum, dominum Johannem, Olomucensem episcopum, compromisisse et fide nostra vice et nomine iuramenti sibi data solempni stipulacione promisisse pronunciacionem et diffinicionem ipsius in hiis reuerenter accipere et effectualiter obseruare; hinc est, quod omnia et singula supradicta per eundem dominum episcopum Olomucensem pronuncciata, diffinita et arbitrata nos et nostrum singuli quilibet pro se et sua parte grate suscipimus rataque et grata habemus et emologamus ac de certa sciencia et bona fide in virtute promissi nostri, de quo supra fit mencio, sincere promittimus vsquequam tenere et firmiter adimplere. In huius rei ac nostre spontanee emologacionis testimonium nostra eciam sigilla vna cum sigillo suprsscripti domini Olomucensis episcopi ad eius mandatum presentibus sunt appensa. Datum anno, die et loco predictis.
Orig. perg. v knížecím Švarcenberském archivu na Orlice No 67. — Pečeti scházejí.