Fr. Palacký: Ueber Formelbücher, zunächst in Bezug auf böhmische Geschichte
nebst Beilagen : ein Quellenbeitrag zur Geschichte Böhmens und der Nachbarländer im XIII, XIV und XV Jahrhundert.
str. 77
Dostupné na: https://kramerius5.nkp.cz/view/uuid:22ce2080-55b1-11de-af2c-000d606f5dc6?page=uuid:b139965e-35c7-4628-9a7b-45b27f3ae8ce
K. Sigmund fordert alle böhmischen Barone und Städte auf, ihm zur Eroberung von Kuttenberg bewaffnete Hilfe zu leisten. (Treb. C, 6. f. 50.)
1402, m. Dec.
Sigismundus dei gratia rex Ungariae, marchio Brandenburgensis, sacri Romani imperii generalis vicarius, regni Bohemiae gubernator.
Fideles dilecti! Post egressum nostrum de Boemia, dum iter agere coepissimus versus Italiam cum serenissimo principe domino Wenceslao Romanorum et Boemiae rege, fratre nostro carissimo, pro recuperando imperii honore et consequendis coronis imperialibus: nostis, qualis et quanta, quamque damnosa turbatio in toto regno excitata sit, adeo, ut metuentes ipsi regno periculum irrecuperabile, iter coeptum relinquere et ad Bohemiam propter filios Belial auctores excidii regredi cogeremur. Venimus itaque cum magna gentis potentia, altissimo duce, usque ad Coloniam super Albeam, ad destruendos et ejiciendos rebelles pravosque homines vastatores regni praedicti, et ut auxiliante deo pacem in ipso regno perpetuam disponeremus. Requirimus igitur Fid. Vram, quatenus mox visis praesentibus disponatis facta vestra taliter, ut statim cum gente vestra, nec non cum machinis bombardis et universis bellicis apparatibus ad expugnandum necessariis, assumptis etiam vobiscum lapicidis et carpentariis, ad descensum nostrum campestrem prope montes Chutnis venire et accedere debeatis, quemadmodum vos ad standum pro justitia regni et obendiendum nobis per juramentum praestitum obligastis; alioquin reputaremus vos et reputabimus pacis adversarios, quos ut hostes regni publicos prosequemur. Similia scribimus aliis civitatibus ac baronibus, et quibus expedit universis; et hoc idem propter milites et clientes in districtu vestro, quos etiam ad idem requirimus, facialis in vestri medio publice proclamari. Datum ec.